Ղազախստանի ազգային անվտանգության կոմիտեի նախկին ղեկավարը ներառվել է ահաբեկչության ու ծայրահեղականության ֆինանսավորման հետ կապված անձանց ցուցակում
Ղազախստանի ազգային անվտանգության կոմիտեի նախկին ղեկավար Քարիմ Մասիմովը, որը դատապարտվել է 18 տարվա ազատազրկման պետական դավաճանության և իշխանության զավթման գործով, ներառվել է ահաբեկչության ու ծայրահեղականության ֆինանսավորման հետ կապված անձանց ցուցակում։ Այս մասին հայտնում է informburo.kz-ն։
Բացի Մասիմովից, այս ռեեստրում ընդգրկվել են նաև նրա նախկին տեղակալներ Անուար Սադիկուլովն ու Դաուլետ Երգոժինը, որոնք նույնպես դատապարտվել են մինչև 16 տարի ազատազրկման։
Ահաբեկչության ու ծայրահեղականության ֆինանսավորման հետ կապված կազմակերպությունների և անձանց ցուցակում անհատին ընդգրկելու հիմքը, ըստ հրապարակման, Ղազախստանի դատարանի վճիռն է։