Իսրայելը ճանաչել է Արևմտյան Սահարան որպես Մարոկկոյի մաս
Իսրայելը ճանաչել է Մարոկկոյի ինքնիշխանությունն Արևմտյան Սահարայի վիճելի տարածքի նկատմամբ։ Հայտարարել է Մարոկկոյի կառավարությունը, գրել է Al Jazeera-ն։
Կառավարությունը նշել է, որ Իսրայելը մտածում է Դախլայում հյուպատոսություն բացելու մասին:
Մարոկկոյի թագավորական պալատի հայտարարության մեջ ասվում է, որ Իսրայելի դիրքորոշումն արտահայտվել է Իսրայելի վարչապետ Բենիամին Նեթանյահուի կողմից թագավոր Մուհամեդ VI-ին ուղղված նամակում:
Մարոկկոն վերահսկում էր այդ տարածքը, սակայն միջազգային ճանաչումը քիչ է եղել սկսած 1975 թվականից՝ իսպանական գաղութատիրության ավարտից հետո:
Անջատողական շարժումը, որին աջակցում է Ալժիրը, երկար ժամանակ մղվում է անկախ պետության ստեղծման համար:
Ավելի վաղ հայտնի էր դարձել, որ Իսրայելի վարչապետ Բենիամին Նեթանյահուն նամակ է հղել Մարոկկոյի թագավորին՝ տեղեկացնելով իր երկրի՝ «Արևմտյան Սահարայի տարածքի նկատմամբ Մարոկկոյի ինքնիշխանությունը ճանաչելու» որոշման մասին։
Նեթանյահուն նշել է, որ իր երկրի դիրքորոշումը «կարտացոլվի Իսրայելի կառավարության բոլոր համապատասխան ակտերում ու փաստաթղթերում»։ Նա ընդգծել է, որ որոշումը կփոխանցվի «ՄԱԿ-ին, տարածաշրջանային ու միջազգային կազմակերպություններին, որոնց անդամ է Իսրայելը, ինչպես նաև բոլոր այն երկրներին, որոնց հետ Իսրայելը դիվանագիտական հարաբերություններ է պահպանում»։