Խուան Կուադրադոն դարձել է Ինտերի խաղացող
Կոլումբիացի ֆուտբոլիստ Խուան Կուադրադոն դարձել է «Ինտերի» խաղացող։ Այս մասին հայտարարություն է տարածել ակումբը։
Խաղադաշտի աջ եզրային դիրքերի խաղացողը միլանյան ակումբ է տեղափոխվել, երբ ազատ գործակալի կարգավիճակ ուներ։ 1 տարվա պայմանագիր է կնքել։
Նրա վերջին ակումբը Տուրինի «Յուվենտուսն» էր։ 2022/23 մրցաշրջանի 47 խաղում նա դարձել է 2 գնդակի և 4 գոլային փոխանցման հեղինակ։
«Ուրախ եմ ու կցանկանայի շնորհակալություն հայտնել Աստծուն այս հնարավորության համար: Ինձ համար պատիվ է այստեղ լինել, Եվրոպայի ամենամեծ թիմերից մեկում: Ես երջանիկ եմ»,- ասել է Կուադրադոն։