Իշխանության համար գոյաբանական խնդիր կդառնա խաղաղության պայմանագրի կնքումը Բաքվի պայմաններով. Մխիթար Գաբրիելյան (տեսանյութ)
Իշխանության համար գոյաբանական խնդիր կդառնա խաղաղության պայմանագրի կնքումը Բաքվի պայմաններով։
«Կիզակետում Արկադի Գրիգորյանի հետ» հաղրոդման ժամանակ ասել է ազգագրագետ, պատմական գիտությունների թեկնածու Մխիթար Գաբրիելյանը․
«Փաշինյանն ու Ալիևը կարող են իրենց նեղ նպատակների համար ձգձգել պայմանագրի ստորագրումը, օրինակ իշխանությունը պահելու համար։ Իսկ Ադրբեջանի պարտադրած պայմաններով պայմանագրի կնքումն իշխանության համար գոյաբանական խնդիր կդառնա։
Այդ պարագայում վտանգը, որը հեռու է Երևանից, Գյումրիից ու Վանաձորից, մտնելու է Երևան, Գյումրի ու Վանաձոր՝ ի դեմս Արարատյան դաշտում վերահաստատված ադրբեջանցիների։ Եթե Մասիսում հայտնվեն ադրբեջանցիները, իսկ Գանձակում՝ հայերը, ապա էթնիկ բախում է լինելու»,-նշել է ազգագրագետը։
Նրա կարծիքով մենք չենք կարողացել կապիտալիզացնել ո՛չ 90-ականների հաղթանակը, ո՛չ էլ 44-օրյայի պարտությունը։ Առաջինի դեպքում, հնարավոր է, խուսափեինք պարտությունից, իսկ երկրորդի դեպքում նախադրյալներ կստեղծվեն նոր հաղթանակի համար։
Գաբրիելյանը կարծում է, որ պետք է փոխել բանակցային նարատիվը, առաջ քաշել ազգերի ինքնորոշման հարցը և «անջատում հանուն փրկությանը» դարձնել քաղաքական օրակարգի թիվ 1 հարցը։
Հարցազրույցն ամբողջությամբ՝ տեսանյութում․