Օգոստոսի 3-ին կայանալիք հանդիպման նախախաղային ասուլիսի ժամանակ «Ֆարուլի» գլխավոր մարզիչ Գեորգե Հաջին խոսել է սպասվող խաղի մասին։
«Ողջունում եմ։ Երջանիկ եմ այսքան ժամանակ անց լինել Երևանում, քանի որ առաջին անգամ այստեղ եղել եմ 16 տարեկանում։ Բավականին կարևոր խաղ է լինելու։ Հուսով ենք, որ ցույց կտանք նույն խաղը, ինչ Կոստանցայում։ Շատ լավ ճանաչում ենք մրցակցին։ Կարծում եմ, որ խաղաոճերով նման թիմեր են։
Կարծում եմ, որ բավականին հետաքրքիր խաղ կլինի։ Ամեն ինչ կախված կլինի փոքր դետալներից։
Բավականին մրցունակ խաղ էր Կոստանցայում։ 2 թիմերն էլ պահեր են ունեցել։ Կարծում եմ, որ վաղը նույն սցենարով կանցնի հանդիպումը։
Խաղը տևում է 90 րոպե և պետք է խաղալ մինչև վերջ։ Կապ չունի, թե ինչպես ես սկսում կամ ավարտում։ Պետք է խաղալ ամբողջ 90 րոպեների ընթացքում ավելի լավ, քան մրցակիցը։
«Ուրարտուն» լավ խաղացողներով համալրված թիմ է, որը բավականին լավ խաղ է ցուցադրում։ Պետք է հարգել մրցակցին, որն իր երկրի չեմպիոնն է։ Մենք նույնպես չեմպիոն ենք»,- ասել է 58-ամյա մասնագետը։
«Ուրարտու» – «Ֆարուլ» հանդիպումը կկայանա օգոստոսի 3-ին՝ «Ուրարտու» ստադիոնում։ Խաղի սկիզբը՝ 20։00։