Էդգար Սևիկյանը գոլ է խփել խաղի առաջին րոպեին. «Նիժնի Նովգորոդը» հաղթել է 2-0 հաշվով
Ռուսաստանի Պրեմիեր լիգայի չորրորդ տուրում «Նիժնի Նովգորոդը» սեփական խաղադաշտում 2-0 հաշվով հաղթել է Գրոզնիի «Ախմատին»։
Հանդիպման հաշիվը առաջին րոպեին բացել է 22-ամյա կիսապաշտպան Էդգար Սևիկյանը։ Իսպանական «Լևանտեի» ու Ռուսաստանի երիտասարդական հավաքականի նախկին ֆուտբոլիստը մեկնարկային կազմում խաղացել է 82 րոպե ու ճանաչվել հանդիպման լավագույն խաղացող։
Հիշեցնենք, որ Էդգար Սևիկյանը գոլի հեղինակ էր դարձել նաև «Նիժնի Նովգորոդի» նախորդ խաղում՝ Ռուսաստանի գավաթի խաղարկությունում գրավելով Մոսկվայի «Սպարտակի» դարպասը։
Ռուսաստանի առաջնություն, չորրորդ տուր
«Նիժնի Նովգորոդ» — «Ախմատ»՝ 2-0
Էդգար Սևիկյան, 1, Տիմուր Սուլեյմանով, 45
The post Էդգար Սևիկյանը գոլ է խփել խաղի առաջին րոպեին. «Նիժնի Նովգորոդը» հաղթել է 2-0 հաշվով appeared first on ԳԱԼԱ.