«Սուրբ Գրիգոր Լուսավորիչ» բժշկական կենտրոն տեղափոխված 29-ամյա երիտասարդը, գիտակցության չգալով, մшհшցել է
Օգոստոսի 18-ին ողբերգական դեպք է տեղի ունեցել Երևանում: Ժամը 14:50-ի սահմաններում «Սուրբ Գրիգոր Լուսավորիչ» բժշկական կենտրոնից ՀՀ Ներքին գործերի նախարարության Ոստիկանության Նոր Նորքի բաժին ահազանգ է ստացվել, որ «պոլիտրավմա» ախտորոշմամբ իրենց մոտ է տեղափոխվել մի քաղաքացի:
Ինչպես հայտնում է ֆոտոլրագրող Գագիկ Շամշյանը, հիվանդանոց է մեկնել ոստիկանության Նոր Նորքի բաժնի օպերատիվ խումբը՝ բաժնի պետ Վարդան Խաչատուրյանի գլխավորությամբ: Ոստիկանները պարզել են, որ վիրավորը Երևանի բնակիչ 29-ամյա Արամ Դ.-ն է:
Պարզվել է, որ Արամ Դ.-ն հիվանդանոց է տեղափոխվել Քոչարյան փողոցի 3 հասցեում գտնվող «Լևոն Ղուկասյան» ԱՁ-ին պատկանող փայտի մշակման պահեստից, որտեղ աշխատանքներ կատարելու ժամանակ հեղուկների համար նախատեսված դարակաշարը կոտրվել է, հեղուկների տարաներն էլ ընկել են նրա վրա, ինչի հետևանքով ստացել է վնասվածքներ և տեղափոխվել հիվանդանոց:
Մինչ ոստիկանները պարզում էին դեպքի հանգամանքները, ահազանգ է ստացվում, որ վիրավորը, վերակենդանացման բաժանմունքում գիտակցության չգալով, մահացել է: Դեպքի փաստով նշանակվել է դիակի դատաբժշկական փորձաքննություն:
The post «Սուրբ Գրիգոր Լուսավորիչ» բժշկական կենտրոն տեղափոխված 29-ամյա երիտասարդը, գիտակցության չգալով, մшհшցել է appeared first on ԳԱԼԱ.