Արսեն Զախարյանը հիվանդության պատճառով դուրս է մնացել «Ռեալ Սոսյեդադի» մարզումներից
Իսպանական «Ռեալ Սոսյեդադի» կիսապաշտպան Արսեն Զախարյանը վատառողջ է և դուրս է մնացել թիմի մարզումներից, հայտնում է Marca-ն։
«Զախարյանը իսկապես հիվանդացել է։ Արսենը բարձր ջերմություն ունի։ Բայց լուրջ բան չկա։ Նա չի պատրաստվում մահանալ»,- Sport24-ի հետ զրույցում նշել է Սան Սեբաստիանը ներկայացնող ակումբի մամուլի ծառայության ղեկավար Լուիս Արկոնադան։
20-ամյա կիսապաշտպանը «Ռեալ Սոսյեդադում» հասցրել է մասնակցել երկու հանդիպման։ Զախարյանը փոխարինման է դուրս եկել Լա Լիգայի երրորդ և չորրորդ տուրերում կայացած «Լաս Պալմասի» ու «Գրանադայի» դեմ հանդիպումներում, որոնցում նրա թիմը վաստակել է չորս միավոր։
«Ռեալ Սոսյեդադը» Լա Լիգայի 5-րդ տուրում սեպտեմբերի 17-ին կհյուրընկալվի Մադրիդի «Ռեալին», իսկ սեպտեմբերի 20-ին Իսպանիայում առաջին հանդիպումը կանցկացնի Չեմպիոնների լիգայում՝ ընդունելով Միլանի «Ինտերին»։
The post Արսեն Զախարյանը հիվանդության պատճառով դուրս է մնացել «Ռեալ Սոսյեդադի» մարզումներից appeared first on ԳԱԼԱ.