Մեր քաղաքական թիմը սատարում է Ձեզ, 24 ժամ պատրաստ եմ իմ գիտելիքներով և աշխատանքային փորձով օգտակար լինել. Երվանդ Թարվերդյանը՝ ԱՀ նորընտիր նախագահին
«Միացյալ Հայաստան» կուսակցության հիմնադիր-նախագահ Երվանդ Թարվերդյանը շնորհավորական ուղերձ է հղել Արցախի Հանրապետության նորընտիր նախագահ Սամվել Շահրամանյանին․
«Մեծարգո պարոն նախագահ.
Շնորհավորում եմ այս պատասխանատու պահին, Արցախի նախագահի պաշտոնը ստանձնելու կապակցությամբ:
Ինչպես դեռևս սեպտեմբերի 1-ի իմ Ֆեյսբուքյան գրառման մեջ նշել էի, Արցախի Ազգային ժողովը խոհեմության պետք է դրսևորեր և նախագահի պաշտոնում առաջադրեր այնպիսի թեկնածուի, որը համապատասխներ թվարկած բնութագրին:
Շնորհակալություն նաև ԱՀ ազգային Ժողովի պատգամավորներին ճիշտ ընտրություն կատարելու համար:
Մեր քաղաքական թիմը սատարում է Ձեզ:
Անձամբ ես՝ 24 ժամ պատրաստ եմ իմ գիտելիքներով և աշխատանքային փորձով օգտակար լինել Ձեզ:
Արցախը հայոց բնօրրանի մեկ հատվածն է: Արցախի բարեկեցությունը բոլորիս սուրբ պարտավորությունն է:
Աստծո օրհնությունը Ձե՛զ»: