Երևանում մարդատար ավտոբուսի մասնակցությամբ հերթական վթարն է տեղի ունեցել․ բախվել են Nissan-ն ու թիվ 51 երթուղու ավտոբուսը․ կա վիրավոր
Այսօր՝ սեպտեմբերի 9-ին, ավտովթար է տեղի ունեցել Երևանում։ Ժամը 17։20-ի սահմաններում Արտաշատի խճուղում բախվել են Nissan մակնիշի և թիվ 51 երթուղին սպասարկող Zhongtong ավտոբուսը։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի մարմնական վնասվածքներով տեափոխվել է «Էրեբունի» բժշկական կնտրոն։ Վիրավորին առաջինը օգնության են հասել վթարի հարևանությամբ գործող գազալցակայանի աշխատակիցները և օպերատիվորեն …
The post Երևանում մարդատար ավտոբուսի մասնակցությամբ հերթական վթարն է տեղի ունեցել․ բախվել են Nissan-ն ու թիվ 51 երթուղու ավտոբուսը․ կա վիրավոր appeared first on ԳԱԼԱ.
Այսօր՝ սեպտեմբերի 9-ին, ավտովթար է տեղի ունեցել Երևանում։ Ժամը 17։20-ի սահմաններում Արտաշատի խճուղում բախվել են Nissan մակնիշի և թիվ 51 երթուղին սպասարկող Zhongtong ավտոբուսը։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի մարմնական վնասվածքներով տեափոխվել է «Էրեբունի» բժշկական կնտրոն։
Վիրավորին առաջինը օգնության են հասել վթարի հարևանությամբ գործող գազալցակայանի աշխատակիցները և օպերատիվորեն ժամանած շտապօգնության բժիշկների հերթապահ խումբը։
Օպերատիվորեն ժամանել են նաև ՀՀ Ներքին գործերի նախարարության Ոստիկանության Պարեկային ծառայության Երևան քաղաքի գնդի 2-րդ գումարտակի 3-րդ վաշտի պարեկները՝ գումարտակի հրամանատարի տեղակալ Դավիթ Նիկողոսյանի գլխավորությամբ։
Տեղում տարածքը սահմանազատել և երթևեկությունը կարգավորում են նույն վաշտի ավագ պարեկ Արամ Դանիելյանն ու կրտսեր պարեկ Ազատ Ասատրյանը։
Դեպքի վայր է ժամանել նաև Երևանի քաղաքապետարանի «Ավտոբուս» ՓԲԸ-ի ավտոշարասյան պետ Հայկ Մուրադյանը։
Վթարի մասին ՊԾ Երևան քաղաքի գնդից տեղեկությունը փոխանցել են Հայաստանի Քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժին, որտեղից ժամանել է քննչական խումբը՝ բաժնի պետ Գոռ Թադևոսյանի, բաժնի պետի տեղակալ Գրիգոր Ավետիսյանի և քննիչ Արամազդ Հարությունյանի գլխավորությամբ։
Վթարի փաստով քննչական բաժնում նախաձեռնվել է վարույթ։
Պարեկային ծառայությունն ու քննչական բաժինը պարզում են վարորդների և վիրավորի ինքնությունը։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
The post Երևանում մարդատար ավտոբուսի մասնակցությամբ հերթական վթարն է տեղի ունեցել․ բախվել են Nissan-ն ու թիվ 51 երթուղու ավտոբուսը․ կա վիրավոր appeared first on ԳԱԼԱ.