Իսրայելական բանակը հայտարարել է Գազայում դիրքեր գրավելու մասին
Իսրայելցի զինվորականները Գազայի հատվածում պաղեստինյան արմատական ՀԱՄԱՍ շարժման դեմ գործողության ընթացքում հասել են առափնյա անկլավի ափ և այնտեղ տեղ են գրավել։
Այս մասին հայտնում է բանակի մամուլի ծառայությունը, փոխանցում է ՏԱՍՍ-ը:
«Վերջին շաբաթվա ընթացքում ցամաքային գործողությունների ընդլայնման շրջանակներում 36-րդ (Իսրայելի պաշտպանության ուժերի) դիվիզիան գործել է Գազայի հատվածի հյուսիսում և հասել դիրքեր Գազայի ափի երկայնքով», - ասվում է զեկույցում: