Նախկինները չպետք է միանան Շարժմանը, չպետք է երևան, բայց նախկինների հետ աշխատածները կարո՞ղ են․ հարց՝ Դավիթ Խաժակյանին
Աներկբա է, որ Շարժման առաջնորդը Բագրատ Սրբազանն է, բայց այդ գործընթացը ենթադրում է խորհրդարանական և իրավական պրոցես, որի մեջ առաջինը իմփիչմենթի նախաձեռնությունն է, որն ինքին ենթադրում է վարչապետի թեկանածուի առաջադրում, ով պետք է բավարարի Սահամանադրության հոդվածի պահանջներին, որի հաղթահարման ճանապարհն ինձ համար դեռ հասկանալի չէ։ Այս մասին լրագրողների հետ զրույցում ասաց «Լուսավոր Հայաստան» կուսակցության կառավարման խորհրդի փոխնախագահ Դավիթ Խաժակյանը:
Հարցին՝ օրենքի հետ խնդիրներ չե՞ն առաջանում Սրբազանի թեկնածության հետ կապված, Խաժակյանն ասաց․ «Սահամանադրության որոշ հոդվածներ կարող են փոխվել ԱԺ կողմից և այդ հոդվածը դրա կարգավորումների տիրույթում է։ Պահանջվում է պատագամավորների ձայների 2/3-ը, եթե այս փուլում դա հնարավոր է, ապա Բագրատ Սրբազանը կարող է լինել վարչապետի թեկնածու դե յուրե։ Աներկբա է, որ այս պրոցեսի առաջոնորդը նա է, և մենք այստեղ առարկություն չունենք»։
Խաժակյանը Շարժման հաջողության հասնելու հավնականանություն տեսնում է, միայն եթե նախկինում իշխած ուժերը քաղաքական իմաստով քաշվեն մի կողմ։
«Նախկին իշխած ուժերը քաղաքական իմաստով պետք է քաշվեն մի կողմ և թույլ տան, որ Սրբազանն առանց իրենց միջամտության կարողանա առաջ մղել Շարժումը, իսկ Սրբազանն էլ, իր հերթին, եթե հստակ դրա մասին հայտարարի, Շարժումը նոր թափ կստանա»,- ասաց նա։
Հարցին՝ եթե նախկին ուժերի բացառում պետք է տեղի ունենա, որքանո՞վ է արդարացի, որ նախկին ուժերը չլինեն, իսկ Նիկոլ Փաշինյանի հետ աշխատած, համագործակցած ուժերը պետք է լինեն, արդյոք ԼՀԿ-ն կկիսեր այս տեսակետը, եթե Մարուքյանը մնար Փաշինյանի հատուկ հանձնարարություններով դեսպանը, նա պատասխանեց․
«Ձեր հարցադրումը այստեղի հետ որևէ առնչություն չունի։ Ձեր հարցադրման պատասխանը պետք է ցույց տա հարցին մոտենալու ազնվությունը և այդ ազնվությունը հետևյալն է՝ Շարժումն անկուսակցական է, և մենք որպես կուսակցություն որևէ ակնկլալիք չունենք, և մեր ակնկալիքները կապված են Շարժման հռչակված արդարացի նպատակների հետ։ Մենք ասում ենք՝ եթե կա որևէ գործողություն, որով շարժումը կշահի, պետք է իրականացնենք։ Եթե հասարակությունը ստանա աներկբա պատասխան, որ նախկին իշխանությունների վերադարձ չի լինի, ես վստահ եմ գործող իշխանությունը որևէ շանս չի ունենա պահպանելու իր դիրքերը»։
Ճշտող հարցին՝ հստակեցնենք՝ Դուք դեմ եք, որ նախկին իշխանության ներկայացուցիչները գան, բայց կողմ եք, որ նախկինում իշխանության հետ աշխատած մարդիկ վերարտադրվե՞ն, Խաժակյանն արձագանքեց, որ ինքը նման բան չասաց։
«Խնդիրն ինչո՞ւմ է, դուք լուսաբանել եք Ֆրանսիայի հրապարակի հավաքները, բոլորը գիտեն դրա նախաձենռողներին և ձեր հարցադրումներն ու մոտեցումները բերել են այդ արդյունքին, ինչը եղավ 2021 թվականին։ Եթե դուք որպես լրագրողներ և անհատներ ցանկանում եք, որ այս շարժումն ունենա նույն ընթացքը, ապա անպայման պահանջեք, որ այդ ուժերի ներկայացուցիչները բարձրանան հարթակ ու արդյունքը նույնը կլինի, եթե այլ արդյունք ենք ուզում, ապա գոնե այդ վերջին շարժման արդյունքից պետք է քաղենք հետևություններ»,- ասաց նա։