ვაჟა მარგველაშვილი მეთექვსმეტედფინალიდან გამოეთიშა მსოფლიოს ჩემპიონატს
მსოფლიოს 2017 წლის ჩემპიონატის ბრინჯაოს პრიზიორმა ძიუდოისტმა ვაჟა მარგველაშვილმა ბაქოში მიმდინარე მსოფლიოს პირველობაზე მედლისთვის ბრძოლის გაგრძელების შანსი საწყის ეტაპზევე დაკარგა. დღეს საპრიზო სამეული კაცებში 66 კილოგრამ წონით კატეგორიაში უნდა შეივსოს, მაგრამ ფინალური ბლოკი ქართველის გარეშე ჩაივლის.
მარგველაშვილი საქმეში მეორე წრიდან ჩაერთო, ბენინელ აუგუსტ დაგასთან 24 წამში მოპოვებული შთამბეჭდავი გამარჯვებით. მეთექვსმეტედფინალში კი იპონით დამარცხდა გერმანელ სებასტიან სეიდლთან.
საქართველოს ძიუდოისტთა ნაკრებისთვის შეჯიბრება ხვალ გაგრძელდება - 73 კილოგრამში იჭიდავებს ლაშა შავდათუაშვილი