20 საათისთვის ამომრჩეველთა აქტივობამ შეადგინა 56,23%
საქართველოს ცენტრალური საარჩევნო კომისიის წინასწარი მონაცემებით, 20 საათისთვის პრეზიდენტის არჩევნების მეორე ტურში მონაწილეობა მიიღო 1 975 845-მა ამომრჩეველმა, რაც 56,23%-ია. ცესკოს სპიკერის ანა მიქელაძის განმარტებით, ამ მონაცემებში არ შედის საზღვარგარეთ არჩევნებში მონაწილე ამომრჩეველთა რაოდენობა.
20 საათისთვის საქართველოს ტერიტორიაზე ყველაზე მაღალი აქტივობა 72,72% დაფიქსირდა ქედაში, ხოლო ყველაზე დაბალი 43,12% წალკაში. თბილისში აქტივობა იყო 55,9%.
28 ოქტომბერს, არჩევნების პირველ ტურში, 20 საათისთვის ამომრჩეველთა აქტივობამ შეადგინა 46,74%, რაც რაოდენობრივად იყო 1 637 956 ამომრჩეველი.