საია არსებით დარღვევებს აჯამებს
საქართველოს ახალგაზრდა იურისტთა ასოციაციამ კენჭისყრის პროცესში გამოვლენილი არსებითი ხასიათის დარღვევები შეაჯამა. ორგანიზაციის ხელმძღვანელის სულხან სალაძის თქმით, საარჩევნო უბნებზე მათმა დამკვირვებლებმა დააფიქსირეს სავარაუდო გაყალბების ფაქტები და განმეორებით ხმის მიცემის მცდელობები.
საქმე ეხება მარნეულის N49 საარჩევნო უბანზე დაფიქსირებულ არჩევნების სავარაუდო გაყალბების ფაქტს; წალენჯიხის N11 და ოზურგეთის N7 უბნებზე განმეორებით ხმის მიცემის მცდელობებს და მარნეულის N48, N13, V11 საარჩევნო უბნებზე მარკირების პროცესის დარღვევას.
განმეორებითი ხმის მიცემის ფაქტის გამო ახალგაზრდა იურისტთა ასოციაცია არჩევნების მეორე ტურში მოითხოვს მარნეულის N49 უბანზე კენჭისყრის პროცედურების შეწყვეტას და შედეგების გაბათილებას. ორგანიზაციამ ასევე მიმართა პროკურატურას, დაიწყოს გამოძიება ამასთან დაკავშირებით.
ამ დროისთვის საიას დამკვირვებლების მიერ სულ დაიწერა 60 საჩივარი, ამათგან, 31 საჩივარი - უბანზე, ხოლო 29 საჩივარი - ოლქში. ასევე დაფიქსირდა 30 შენიშვნა ჩანაწერთა წიგნში.