გიორგი ვაშაძე: გაერთიანებულ ოპოზიციას ყავს საბჭო, რომელიც მიიღებს გადაწყვეტილებას სამოქმედო გეგმასთან დაკავშირებით
„გაერთიანებულ ოპოზიციას ყავს თავისი საბჭო. საბჭო დაჯდება და მიიღებს გადაწყვეტილებას სამოქმედო საკითხებთან დაკავშირებით“, - ამის შესახებ ბრიფინგზე განაცხადა გაერთიანებული ოპოზიციის „ძალა ერთობაშია“ საარჩევნო შტაბის ხელმძღვანელმა გიორგი ვაშაძემ. ის გამოეხმაურა საქართველოს მესამე პრეზიდენტის მიხეილ სააკაშვილის მოწოდებას, რომელმაც ეგზიტპოლების გამოცხადების შემდეგ ვიდეო მიმართვა გაავრცელა და საქართველოს მოქალაქეებს დაუმორჩილებლობისაკენ მოუწოდა. გიორგი ვაშაძის სიტყვებით, ამ ეტაპზე, შტაბი თითოეული ხმის დაცვაზეა გადართული.