პრეზიდენტი მმართველ გუნდს ოპოზიციასთან დიალოგისკენ მოუწოდებს
პრეზიდენტი ხედავს საჭიროებას, რომ „ქართული ოცნების“ ხელისუფლებამ დიალოგი გამართოს გაერთიანებულ ოპოზიციასთან, ოპოზიციის შეთავაზების შესაბამისად - ამის შესახებ განცხადება გაკეთა გიორგი აბაშიშვილმა, პრეზიდენტის ადმინისტრაციის უფროსმა, 3 დეკემბერს პრეზიდენტის სასახლეში საქართველოს არჩეული პრეზიდენტის, სალომე ზურაბიშვილის მისვლის შემდეგ.
„საქართველოს პრეზიდენტი მოუწოდებს მმართველ პოლიტიკურ გუნდს, გამართოს დიალოგი ოპოზიციასთან, ოპოზიციის მიერ დაყენებული საკითხების ირგვლივ და თავად პრეზიდენტი მზად არის, როგორც პოლიტიკურად, ასევე ინსტიტუციურად ჩაერთოს ამ პროცესში“, - განაცხადა აბაშიშვილმა.
პრეზიდენტის ადმინისტრაციის უფროსის თქმით, მისასალმებელია შეხვედრა, რომელიც შედგა საქართველოს პრეზიდენტსა და საქართველოს არჩეულ პრეზიდენტს შორის და რომ ეს ემსახურება უფლებამოსილების გადაბარების ცივილური პრეცედენტის შექმნას.
„ჩვენ გავაკეთებთ მაქსიმალურად ყველაფერს, რათა შევქმნათ პრეცედენტი პრეზიდენტის უფლებამოსილების ცივილური გადაბარებისა და ამავდროულად გამოვთქვამთ იმედს, რომ ეს პრეცედენტი იქნება სამაგალითო სამომავლოდ, ახალი პრეზიდენტისთვის უფლებამოსილების გადაბარების დროს“, - უთხრა ჟურნალისტებს აბაშიშვილმა.
„საქართველოს პრეზიდენტი მოუწოდებს მმართველ პოლიტიკურ გუნდს, გამართოს დიალოგი ოპოზიციასთან, ოპოზიციის მიერ დაყენებული საკითხების ირგვლივ და თავად პრეზიდენტი მზად არის, როგორც პოლიტიკურად, ასევე ინსტიტუციურად ჩაერთოს ამ პროცესში“, - განაცხადა აბაშიშვილმა.
პრეზიდენტის ადმინისტრაციის უფროსის თქმით, მისასალმებელია შეხვედრა, რომელიც შედგა საქართველოს პრეზიდენტსა და საქართველოს არჩეულ პრეზიდენტს შორის და რომ ეს ემსახურება უფლებამოსილების გადაბარების ცივილური პრეცედენტის შექმნას.
„ჩვენ გავაკეთებთ მაქსიმალურად ყველაფერს, რათა შევქმნათ პრეცედენტი პრეზიდენტის უფლებამოსილების ცივილური გადაბარებისა და ამავდროულად გამოვთქვამთ იმედს, რომ ეს პრეცედენტი იქნება სამაგალითო სამომავლოდ, ახალი პრეზიდენტისთვის უფლებამოსილების გადაბარების დროს“, - უთხრა ჟურნალისტებს აბაშიშვილმა.