უკრაინის პრეზიდენტმა პეტრო პოროშენკომ ოფიციალური მილოცვა გაუგზავნა სალომე ზურაბიშვილს

უკრაინის პრეზიდენტმა პეტრო პოროშენკომ ოფიციალური მილოცვა გაუგზავნა საქართველოს ახლადარჩეულ პრეზიდენტს, სალომე ზურაბიშვილს. მილოცვაში საუბარია ორ ქვეყანას შორის ისტორიულ მეგობრობაზე და სტრატეგიულ პარტნიორობაზე. ხაზგასმითაა აღნიშნული, რომ საქართველოც და უკრაინაც დგანან ერთი და იმავე პრობლემის, რუსეთის აგრესიის წინაშე.


„ჩვენ დიდად ვაფასებთ საქართველოს მიერ ჩვენი სახელმწიფოს სუვერენიტეტისა და ტერიტორიული მთლიანობის მტკიცე და თანმიმდევრულ მხარდაჭერას. ჩვენი მხრივ გარწმუნებთ, რომ უკრაინა ყოველთვის დაიცავს საქართველოს ტერიტორიული მთლიანობის აღდგენას მის საერთაშირისოდ აღიარებულ საზღვრებში. ერთობლივი ძალისხმევით და მთელი თავისუფალი დემოკრატიული სამყაროს კონსოლიდაციით ჩვენ შევაჩერებთ აგრესორ ქვეყანას და მივაღწევთ ჩვენი ქვეყნების სრულ დეოკუპაციას,“ ნათქვამია უკრაინის პრეზიდენტის წერილში.