სანქტ პეტერბურგის ხელისუფლებამ კომუნისტური დევნის მსხვერპლთა მემორიალური დაფები უკანონოდ გამოაცხადა
სანქტ პეტერბურგის ხელისუფლებამ მიიღო დადგენილება, რომ საბჭოთა კავშირში დევნის მსხვერპლთა მემორიალური დაფები „არამიზნობრივი“ და „უკანონოა“ და მოხსნილი უნდა იქნეს ქუჩებიდან. ამის თაობაზე ქალაქის განვითარების და არქიტექტურის კომიტეტის ოფიციალურ გადაწყვეტილებას შეიცავს წერილი, რომელიც სოციალური ქსელით გაავრცელა ღია რუსეთის სამოქალაქო საზოგადოების თავმჯდომარემ, ანდრეი პივოვაროვმა. წერილი მიმართულია დეპუტატ ვიტალი მილონოვის მრჩეველ ალექსანდრ მოხნატკინისადმი, რომელმაც უკანონოდ მიიჩნია მემორიალური დაფები. კომიტეტი იტყობინება, რომ ქალაქის რაიონების ხელისუფლებებს დაფების უკანონობის გაამო მათი მოხსნა დაავალეს. 1930-იანი წლების „დიდი წმენდის“ მსხვერპლის გვარებით დაფების გაკვრა განახორციელეს პროექტ „ბოლო მისამართის“ აქტივისტებმა 2014 წლიდან. დაფების გაკვრა მოხდა რუსეთის, საქართველოს, უკრაინის, მოლდავეთის, ასევე ჩეხეთის ქალაქების ქუჩებში.