ხელისუფლების წარმომადგენლებმა მოინახულეს დიდ დიღომში მომხდარი აფეთქების შედეგად დაშავებულები
იაშვილის კლინიკაში, სადაც მკურნალობენ დიდ დიღომში მომხდარი აფეთქების შედეგად დაშავებულებს, იმყოფებოდნენ ხელისუფლების წარმომადგენლები - პრემიერ-მინისტრი მამუკა ბახტაძე, ჯანდაცვის მინისტრი დავით სერგეენკო და თბილისის მერი კახა კალაძე.
ჟურნალისტებთან შეხვედრისას მათ დაღუპულთა ჭირისუფლებს მიუსამძიმრეს და განაცხადეს, რომ დაღუპულია ოთხი ადამიანი, მათ შორის ერთი ბავშვი. 8 ადამიანი იმყოფება საავადმყოფოებში, მათგან 6 ბავშვი. მათი მდგომარეობა დამაკმაყოფილებელია, მაგრამ ისინი დილამდე დარჩებიან ექიმების დაკვირვების ქვეშ. მიმდინარეობს გამოძიება მომხდარის გამო პასუხისმგებლობის დასადგენად.