ილონ მასკი: „ტესლა“ თანამშრომელთა 7%-ს დაითხოვს, მომავალი „ძალიან რთული“ იქნება
კომპანია „ტესლას“ გენერალურმა დირექტორმა ილონ მასკმა გამოაცხადა, რომ კომპანია თანამშრომელთა 7%-ს დაითხოვს და რომ მომავალი „ძალიან რთული“ იქნება.
ელექტრომანქანებისა და მზის პანელების მწარმოებელი კომპანიის უფროსმა თანამშრომლებს იმეილით შეატყობინა შემცირებებისა და სხვა გეგმების შესახებ.
მასკის თქმით, „ტესლა“ იმედოვნებს, რომ მცირე მოგებას ნახავს მიმდინარე კვარტალში, მაგრამ გასულ წელს მუშახელის რიცხვის 30%-ით გაზრდა აღემატება იმას, რის უზრუნველყოფაც კომპანიას შეუძლია.
„ტესლაში“ 45 ათასი ადამიანია დასაქმებული. შვიდპროცენტიანი შემცირება 3150 ადამიანს შეეხება.
კომპანია აცხადებს, რომ გასულ წელს 245 000 ელექტრონული მანქანა აწარმოა, რაც თითქმის იმდენია, რამდენიც წინა წლებში ერთად აღებული.
მაგრამ 2018 წელს პროდუქცია დიდად ჩამორჩებოდა თითქმის სამი წლის წინ დაგეგმილ წელიწადში 500 000 მანქანას.