ქეთევან ციხელაშვილი: გამარტივდა პასპორტების აღება ოკუპირებულ ტერიტორიებზე მცხოვრები მოქალაქეებისათვის
საქართველოს მთავრობის მიერ მიღებული დადგენილებით, ოკუპირებულ ტერიტორიებზე მცხოვრები მოქალაქეებისთვის საქართველოს მოქალაქეობის დადგენის და პასპორტის აღების პროცედურა გამარტივდა, - სააგენტო "ინტერპრესნიუსის" თანახმად, ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა მთავრობის სხდომის დასრულების შემდეგ პარასკევს განაცხადა.
„ეს ეხება ყველა დაინტერესებულ პირს, რომელიც დაიბადა საქართველოში ამ ტერიტორიებზე, ცხოვრობდა ამ ტერიტორიებზე 1991 წლის 21 დეკემბრამდე ან არის ასეთი პირის შვილის შთამომავალი. უშუალოდ პროცედურა მარტივდება, ანუ მარტივდება პირის იდენტობის დადგენა მოქალაქეობის ფაქტის დადგენისთვის, მათ შორის იმ დოკუმენტების საფუძველზე, რომელიც მათ აქვთ ხელთ“, - განაცხადა მინისტრმა.
პროცედურის გამარტივებასთან ერთად, როგორც ციხელაშვილი აცხადებს, შემჭიდროვდა ვადებიც. ხოლო საქართველოს მოქალაქეობის დადგენა 1 თვის განმავლობაში უფასოდ მოხდება.