აფეთქების შედეგად გარდაცვლილები ქაშუეთში გადაასვენეს
დიდ დიღომში მომხდარი აფეთქების შედეგად გარდაცვლილები ქაშუეთის ტაძარში გადაასვენეს. ტაძარში დასვენებულია ერთი ოჯახის სამი წევრი - ნათია ციცვიძე, მისი მცირეწლოვანი შვილი და ნათიას და - ნინო ციცვიძე. წინასწარი ინფორმაციით, 19.00 საათზე, გარდაცვილთა სულების მოსახსენიებელ პანაშვიდს საქართველოს კათალიკოს-პატრიარქი ილია მეორე გადაიხდის.
16 იანვარს, დიდ დიღომში, ბუნებრივი აირის დაგროვებით გამოწვეულ მასშტაბურ აფეთქებას ოთხი ადამიანის სიცოცხლე შეიწირა. მათ შორის ერთი მცირეწლოვანი ბავშვია.