ბაქოში გაიმართა აქცია პოლიტპატიმრების გათავისუფლების მოთხოვნით
აზერბაიჯანის დედაქალაქში გაიმართა აქცია კორუფციის წინააღმდეგ მებრძოლი დაპატიმრებული ბლოგერის და პოლიტპატიმრებად მიჩნეული სხვა პირების გათავისუფლების მოთხოვნით. სანქცირებული დემონსტრაციის მონაწილეებმა პრეზიდენტ ილჰამ ალიევისგან მოითხოვეს მეჰმან ჰუსეინოვის და სხვა პოლიტიკური პატიმრების გათავისუფლება. ჰუსეინოვის გამოშვებისკენ მოწოდებები გახშირდა როგორც აზერბაიჯანის შიგნით, ისე მის ფარგლებს გარეთ, მას შემდეგ, რაც მას ახალი ბრალდება წაუყენეს გასულ თვეში, მოსალოდნელ გათავისუფლებამდე რამდენიმე კვირით ადრე. მას ბრალად ედება "ოფიციალური უწყებების წარმომადგენლისთვის წინააღმდეგობის გაძევა ძალადობის გამოყენებით, რამაც [წარმომადგენლის] ჯანმრთელობის და სიცოცხლისთვის ხიფათი შექმნა". ჰუსინოვმა, სხვა რამდენიმე პოლიტპატიმართან ერთად, პროტესტის გამოსახატად შიმშილობა დაიწყო. ჰუსინოვი უკვე იხდის სასჯელს ორწლიანი პატიმრობის სახით ცილისწამების ბრალდებით, რასაც თავად ის და მისი მხარდამჭერები პოლიტიკურად მოტივირებულად მიიჩნევენ. უფლებადამცველი ჯგუფები და დასავლეთის ქვეყნების მთავრობები წლებია აზერბაიჯანის მთავრობას მოუწოდებენ პოლიტიკური პატიმრების გათავისუფლებისკენ, და მთავრობას ადანაშაულებენ ბრალდებების შეთითხვნაში კრიტიკოსების და მედიის თავისუფლების ჩასახშობად. ალიევი, რომელიც 2003 წლიდან უდგას აზერბაიჯანს სათავეში, ამ კრიტიკას არ იღებს.