საქართველოში დაკრძალეს გაზის აფეთქების შედეგად დაღუპულები
კვირას მიწას მიაბარეს დიდ დიღომში მომხდარი ტრაგედიის დროს დაღუპულები. დაკრძალვას წინ უძღოდა სამოქალაქო პანაშვიდი ქაშვეთის ეკლესიაში, სადაც იმყოფებოდნენ საქართველოს კათალიკოს-პატრიარქი ილია მეორე და დედაქალაქის მერი კახა კალაძე.
დიდ დიღომში, ავთანდილის ქუჩაზე ძლიერი აფეთქება ოთხი დღის წინ მოხდა. ნგრევის შედეგად 4 ადამიანი დაიღუპა, მათ შორის, ერთი 4 წლის ბავშვი. 8 ადამიანი დაშავდა.
დღესვე მომხდარი აფეთქების საქმეზე თბილისის საქალაქო სასამართლომაღკვეთის ღონისძიების სახით პატიმრობა შეუფარდა „ყაზტრანსგაზ-თბილისის“ ორ თანამშრომელს, რომლებსაც ბრალი წაყენებული აქვთ სისხლის სამართლის კოდექსის 220-ე პრიმა მუხლის მეორე ნაწილით , რაც სამსახურეობრივ გულგრილობას გულისხმობს.