ათენში შეტაკება მოხდა პოლიციასა და დემონსტრანტებს შორის
ათენში, სადაც კვირას მრავალრიცხოვან ანტისამთავრობო აქცია გაიმართა მაკედონიის სახელწოდებასთან დაკავშირებული შეთანხმების წინააღმდეგ, საბერძნეთის პარლამენტის წინ შეტაკება მოხდა პოლიციასა და დემონსტრანტებს შორის.
ათობით დემონსტრანტმა ქვები და პეტარდები დაუშინა პოლიციის სპეცდანიშნულების ნაწილს, რომელიც არ აძლევდა ნებას დემონსტრანტებს შეჭრილიყვნენ პარლამენტის შენობაში. შეტაკებაში პოლიციის 9 თანამშრომელი დაშავდა.
პოლიციამ აგრესიული ბრბოს წინააღმდეგ ცრემლსადენი გაზი და ხლეკეტები გამოიყენა.
საბერძნეთისა და მეზობელი მაკედონიის მთავრობებმა გასულ ივნისში მიაღწის კომპრომისულ შეთანხმებას. ყოფილი იუგოსლავიის რესპუბლიკა მაკედონიას ეწოდება ჩრდილოეთ მაკედონიის რესპუბლიკა, სანაცვლოდ ათენი აღარ გაუწევს წინააღდეგობას მეზობელი ქვეყნის გაწევრიანებას ერვოკავშირსა და ნატოში.
ათენში დაპირისპირების ფონია 21 იანვრისათვის დანიშნული საპარლამენტო სხდომა, რომელზეც ბერძენმა კანონმდებლებმა უნდა იმსჯელონ მაკედონიის სახელწოდებასთან მიღწეული ორმხრივი შეთანხმების რატიფიკაციაზე.