ევროსაბჭოს საპარლამენტო ასამბლეის შვედმა წევრმა გააკრიტიკა საპრეზიდენტო არჩევნების შუა კვირაში ჩატარება
ევროსაბჭოს საპარლამენტო ასამბლეის შვედმა წევრმა, ბორიანა აბერგმა უარყოფითად შეაფასა საქართველოში საპრეზიდენტო არჩევნების მეორე ტურის შუა კვირაში ჩატარება.
მან საპარლამენტო ასამბლეის ზამთრის სესიაზე გამოსვლისას აღნიშნა, რომ კენჭისყრის შუა კვირაში ჩატარება არ შედის ყველა ამომრჩევლის ინტერესებში და აჩენს ეჭვს, რომ გადაწყვეტილება პოლიტიკურად იყო მოტივირებული.
აბერგმა გამოთქვა ასევე შეფასება, რომ საზოგადოებრივი მაუწყებელი აშკარად იყო მიკერძოებული ოპოზიციის წინააღმდეგ და არ უმოქმედია მიუკერძოებლობის საერთაშორისო სტანდარტებით. მისივე აზრით, მიკერძოება ეტყობოდათ კერძო მედიასაშუალებებსაც.