მამუკა ბახტაძე მოსამართლეთა განცხადებას გამოეხმაურა
სასამართლო არის დამოუკიდებელი შტო, მაგრამ საზოგადოებას უნდა ჰქონდეს განცდა, რომ მოსამართლეთა შერჩევა ობიექტური კრიტერიუმებითა და პროცედურებით ხდება, - განაცხადა ვისნიუსში ვიზიტად მყოფმა პრემიერ-მინისტრმა მამუკა ბახტაძემ ჟურნალისტების შეკითხვის პასუხად.
„საქართველოში დამთავრდა ის დრო, როდესაც მთავრობა, პრემიერ-მინისტრი ან მთავრობის რომელიმე მაღალჩინოსანი ახდენდა სასამართლოში მოსამართლეების შერჩევას ან სასამართლოს ერთგვარ “დალაგებას”. ასეთი რამე საქართველოში აღარ მოხდება. რა თქმა უნდა, სასამართლო არის დამოუკიდებელი შტო, მაგრამ, ამასთან ერთად, საზოგადოებას და თითოეულ ჩვენგანს უნდა ჰქონდეს განცდა, რომ არსებობს ობიექტური კრიტერიუმები და პროცედურები, რითაც ხდება მოსამართლეების შერჩევა. ეს არის ჩვენი პოლიტიკური გუნდის პოზიცია და საზოგადოებასთან ამის შესახებ ჩვენ ძალიან პირდაპირი დიალოგი გვაქვს”,- განაცხადა მამუკა ბახტაძემ.