ბულგარეთში ულტრამემარჯვენეებმა პატივი მიაგეს ნაცისტების მომხრე გენერლის ხსოვნას
ბულგარეთის დედაქალაქ სოფიაში ასობით ულტრამემარჯვენემ მიიღო მონაწილეობა ჩირაღდნებიან მსვლელობაში ნაცისტების მომხრე ბულგარელი გენერლის, ჰრისტო ლუკოვის ხსოვნის პატივსაცემად.
16 თებერვალს აქცია გაიმართა ნატოსა და ევროკავშირის წევრი ამ ქვეყნის პოლიტიკური პარტიებისა და ებრაელთა თემის მხრიდან კრიტიკის მიუხედავად.
დემონსტრაცია, რომელსაც "ლუკოვის მსვლელობას" უწოდებენ, ჩაატარა ულტრამემარჯვენე „ბულგარეთის ეროვნულმა კავშირმა“.
მეორე მსოფლიო ომში გენერალი ლუკოვი მხარს უჭერდა ნაცისტურ გერმანიას. ის ანტიფაშისტებმა მოკლეს 1943 წლის 13 თებერვალს.
ლუკოვი სათავეში ედგა ბულგარეთის ომის სამინისტროს 1935-38 წლებში, 1932 წლიდან სიცოცხლის ბოლომდე სარდლობდა ბულგარეთის ლეგიონების პრო-ნაცისტურ კავშირს.
მსვლელობის დაწყებამდე, ასობით ადამიანი შეიკრიბა კონტრდემონსტრაციაზე. დაპირისპირებულ მხარეებს შორის ინციდენტი არ მომხდარა.