საფრანგეთში გაიმართა „ყვითელი ჟილეტების“ მორიგი აქციები
საფრანგეთში „ყვითელი ჟილეტების“ მოძრაობამ მეთოთხმეტედ გამართა „საპროტესტო შაბათი“. ქვეყნის შინაგან საქმეთა სამინისტროს მონაცემებით, მთელი ქვეყნის მასშტაბით აქციებში მონაწილეობდა 41 500-მდე ადამიანი, მათგან 4000 პარიზში.
საინფორმაციო სააგენტო „როიტერსის“ ცნობით, კვლავ მოხდა შეტაკებები პოლიციელებთან, რომლებმაც რამდენიმე ქალაქში გამოიყენეს საშუალებები დემონსტრანტების დასაშლელად.
ბოლო ხანს მოძრაობა შესუსტებულია. საზოგადოებრივი აზრის გამოკითხვის შედეგად, ფრანგების უმრავლესობა საპროტესტო აქციების შეწყვეტას ემხრობა.
გასულ კვირაში საფრანგეთის შინაგან საქმეთა მინისტრმა კრისტოფ კასტანერმა გამოაცხადა, რომ სამი თვის წინ აქციების დაწყების შემდეგ სამართალდამცველებმა დააკავეს 8400 ადამიანი, დემონსტრანტებთან დაპირისპირებისას დაშავდა 1300 პოლიციელი.