აშშ-მა კვლავ გააგზავნა კოლუმბიაში ჰუმანიტარული დახმარება მეზობელი ვენესუელისათვის
აშშ-მა ისევ გააგზავნა კოლუმბიაში თვითმფრინავი ჰუმანიტარული ტვირთით, რომელიც მეზობელი ვენესუელისათვის არის განკუთვნილი.
იუწყებიან, რომ სამხედრო თვითმფრინავმა საკვები და მედიკამენტები ჩაიტანა ქალაქ კუკუტაში, ვენესუელის საზღვრის მახლობლად. ბოლო პერიოდში ეს არის აშშ-ის თვითმფრინავების მეორე ჰუმანიტარული რეისი ვენესუელისათვის.
მაგრამ ნათელი არ არის, მოხვდება თუ არა ტვირთი ამ ქვეყანაში, რადგან პრეზიდენტი ნიკოლას მადურო, რომლის ლეგიტიმურობასაც შეერთებული შტატები აღარ ცნობს, უარს ამბობს ჰუმანიტარული დახმარების მიღებაზე.
ოპოზიციის ლიდერი, პარლამენტის თავმჯდომარე ხუან გუაიდო, რომელსაც აშშ და ბევრი სხვა ქვეყანა, მათ შორის საქართველო, კანონიერ პრეზიდენტად მიიჩნევენ, აცხადებს, რომ სურს მიაღწიოს ჰუმანიტარული ტვირთის ქვეყანაში შეტანას.
კოლუმბიაში გუაიდოს წარმომადგენელმა ლესტერ ტოლედომ განაცხადა, რომ ოპოზიციის მომხრეები საზღვარზე შეიკრიბებიან, რათა სამხედროები დაარწმუნონ, გახსნას საზღვარი და დაუშვას ვენესუელაში დახმარების შეტანა.
მოსალოდნელია, რომ უახლოეს ხანში აშშ კიდევ სამი თვითმფრინავით გააგზავნის ჰუმანიტარულ დახმარებას ვენესუელისათვის.