მოზამბიკში, სავარაუდოდ, 1000-ზე მეტი ადამიანი შეიწირა ტროპიკულმა ციკლონმა "იდაიმ"
შიშობენ, რომ მოზამბიკში 1000-ზე მეტი ადამიანის სიცოცხლე შეიწირა ტროპიკულმა ციკლონმა „იდაიმ“, რომელიც ოთხი დღის წინ დაატყდა სამხრეთ-დასავლეთ აფრიკის ამ ქვეყანას.
ინდოეთის ოკეანისპირა ქალაქ ბეირაში, რომლის მოსახლეობა ნახევარ მილიონს აღემატება, ქარიშხალმა და წყალდიდობამ გაანადგურა სახლები და გზები.
პრეზიდენტმა ფილიპე ნუისიმ სახელმწიფო რადიოში განაცხადა, რომ ოფიციალურად დასტურდება 84 ადამიანის სიკვდილი, მაგრამ შიშობენ, რომ დაღუპულთა რიცხვი 1000-ს აღემატება.
ციკლონმა დააზარალა აფრიკის ზოგი სხვა ქვეყანაც. მეზობელ ზიმბაბვეში დაიღუპა, სულ ცოტა, 98 ადამიანი, დაკარგულად ითვლება 210-ზე მეტი.
ორგანიზაციის „ექიმები უსაზღვრებოდ“ მონაცემებით, სამხრეთით მდებარე მალავიში ადიდებულმა მდინარეებმა დატბორეს ბევრი შენობა, შინიდან გაქცევა მოუხდა 11 ათასამდე ოჯახს.