ლიბიის დედაქალაქში განახლდა შეტაკებები
ლიბიის დედაქალაქ ტრიპოლის სამხრეთის უბნებში განახლდა შეტაკებები. ბოლო ორი კვირის განმავლობაში ქალაქზე კონტროლის დასამყარებლად მიმდინარე კონფლიქტს ემსხვერპლა 220-მდე ადამიანი.
ლიბია გაყოფილია ორ, ერთმანეთის მეტოქე მთავრობას შორის, აღმოსავლეთით და დასავლეთით. შეტაკებაში ერთმანეთს უპირისპირდებიან თვითგამოცხადებული ლიბიის ეროვნული არმია, რომელსაც ხალიფა ჰაფთარი ხელმძღვანელობს და გასამხედროებული დაჯგუფებები, რომლებსაც გარკვეული კავშირები აქვთ ტრიპოლიში განთავსებულ, გაეროს მიერ მხარდაჭერილ ეროვნული თანხმობის მთავრობასთან.
ჰაფთარმა შეტევა 4 აპრილს დაიწყო. ის მხარს უჭერს აღმოსავლეთ ლიბიაში განთავსებულ ადმინისტრაციას, რომელიც უარს ამბობს ტრიპოლიში მყოფი ხელისუფლების აღიარებაზე.