თეთრ სახლმა გადაწყვიტა აღარ გასცეს ირანის ნავთობის შესყიდვის განსაკუთრებული უფლება
აშშ-ის პრეზიდენტმა დონალდ ტრამპმა გადაწყვიტა, მაისიდან აღარ გასცეს თავისი სანქციების გვერდის ავლით ირანის ნავთობის შესყიდვის განსაკუთრებული უფლება.
აშშ, საუდის არაბეთი და არაბთა გაერთიანებული საამირო შეთანხმდნენ, დროულად მიიღონ ზომები, რათა მსოფლიოში ნავთობზე მოთხოვნა დაკმაყოფილდეს ბაზრიდან ირანის ნავთობის გამორიცხვის შემდეგ, წაიკითხავთ თეთრი სახლის განცხადებაში, რომელშიც ასევე წერია, რომ "გადაწყვეტილების მიზანია, დაყვანილ იქნეს ირანის ნავთობის ექსპორტი ნულამდე, რათა გადაეკეტოს რეჟიმს შემოსავლის მთავარი წყარო“. გადაწყვეტილების თანახმად, ხუთ ქვეყანას, ჩინეთს, ინდოეთს, ასევე აშშ-ის მოკავშირეებს, ინდოეთს, იაპონიას, სამხრეთ კორეას და თურქეთს 2 მაისიდან აღარ ექნებათ განსაკუთრებული უფლება, აშშ-ის სანქციების მიუხედავად შეიძინონ ნავთობი ირანში.
ვაშინგტონში აშშ-ის სახელმწიფო მდივანმა, მაიკ პომპეომ განაცხადა, რომ მას ჰქონდა „საუდის არაბეთთან და არაბთა გაერთიანებულ საამიროებთან, ასევე სხვა მთავარ მწარმოებლებთან ფართო და პროდუქტიული მოლაპარაკება გადამავალი პერიოდის შესამსუბუქებლად და საკმარისი მომარაგების უზრუნველსაყოფად“.
აშშ-ის სენატორი ტედ კრუზი მიესალმა ირანის ნავთობის სანქციების გვერდის ავლის შეჩერების გადაწყვეტილებას და თქვა, რომ ეს გადაწყვეტილება დაუკარგავს აიათოლებს მილიარდობით დოლარს, რომელსაც ისინი დახარჯავდნენ აშშ-ის და მისი მოკავშირეების უსაფრთხოებისთვის ძირის გამოსათხრელად, ბირთვული და ბალისტიკური რაკეტების პროგრამების განსავითარებლად და გლობალურ ტერორიზმის დასაფინანსებლად“.
22 აპრილს განცხადებაში, პომპეო ამბობს, რომ გავაგრძელებთ მაქსიმალურ ზეწოლას ირანის რეჟიმზე, სარამ მისი ლიდერები დესტრუქციულ მოქცევას არ შეიცვლიან, პატივს არ სცემენ ირანის ხალხს და არ დაბრუნდებიან მოლაპარაკების მაგიდასთან.
ირანისთვის ნავთობის ექსპორტი შემოსავალის მთავარი წყაროა და თეირანისთვის დიდი დარტყმა იყო აშშ-ის მიერ სანქციების კვლავ ამოქმედება. პომპეოს განცხადების წინ ირანის ნავთობის სამინისტროს წარმომადგენელმა განუცხადა ირანის სააგენტო თასნიმს, რომ აშშ ვერ შეძლებს ირანის ექსპორტის მთლიანად შეჩერებას.