სალომე ზურაბიშვილი დაესწრება ვლადიმირ ზელენსკის ინაუგურაციას
საქართველოს პრეზიდენტი სალომე ზურაბიშვილი უკრაინის არჩეული პრეზიდენტის ვლადიმირ ზელენსკის ინაუგურაციას დაესწრება. ამის შესახებ ინფორმაცია მედიასთან თავად პრეზიდენტმა დაადასტურა. მისი პრესსამსახურის თანახმად კი სალომე ზურაბიშვილი უკრაინაში 20 მაისს დილით გაფრინდება.
უკრაინის ახლადარჩეული პრეზიდენტის, ვლადიმირ ზელენსკის ინაუგურაცია 20 მაისს უმაღლესი რადას შენობაში, საზეიმო სხდომათა დარბაზში გაიმართება.
21 აპრილს უკრაინაში საპრეზიდენტო არჩევნების მეორე ტურის შედეგებით, შოუმენ ვლადიმირ ზელენსკის ერგო ხმების 73,22%.
ცენტრალური საარჩევნო კომისიის მონაცემებით, ზელენსკის ხმა მისცა 13,5 მილიონამდე ადამიანმა. ხოლო მოქმედმა პრეზიდენტმა პეტრო პოროშენკომ მოაგროვა 4 522 450 ხმა, 25%-ზე ნაკლები.