საფეხბურთო კლუბ „არსენალის“ სომეხი ვარსკვლავი არ ითამაშებს ბაქოში
სომეხი ფეხბურთელი ჰენრიხ მხითარიანი არ იქნება ინგლისის საფეხბურთო კლუბ „არსენალის“ შემადგენლობაში, როცა ეს გუნდი 29 მაისს ბაქოში ეთამაშება ინგლისისვე „ჩელსის“ უეფას ეროპის ლიგის ფინალურ მატჩში.
„არსენალმა“ 21 მაისს გამოხატა „დიდი იმედგაცრუება“ იმით, რომ მხითარიანი არ გაემგზავრება აზერბაიჯანში.
„ჩვენ დაწვრილებით განვიხილეთ გუნდში მიკის ჩართვის ყველა შესაძლებლობა, მაგრამ მიკისთან და მის ოჯახთან საუბრის შემდეგ ყველანი შევთანხმდით, რომ ის არ იქნება მათ შორის, ვინც (ბაქოში) გაემგზავრება“, ნათქვამია განცხადებაში.
„არსენალ“- „ჩელსის“ შეხვედრა იქნება ევროპის საკლუბო ასპარეზობის პირველი ფინალური მატჩი, რომელსაც აზერბაიჯანი უმასპნძლებს და მხითარიანის გადაწყვეტილებამ შესაძლოა, მძიმე დარტყმა მიაყენოს ბაქოს, როგორც მსხვილი სპორტული ასპარეზობის მასპინძლის იმიჯს.
აზერბაიჯანს სურს ფეხბურთში ევროპის 2020 წლის ჩემპიონატის მასპინძლობა.