ილჰამ ალიევმა საქართველოს დამოუკიდებლობის დღე მიულოცა
აზერბაიჯანის პრეზიდენმა, ილჰამ ალიევმა დამოუკიდებლობის დღესთან დაკავშირებით თავის ოფიციალურ ვებგვერდზე მისალოცი წერილი გამოაქვეყნა. ის საქართველოს პრეზიდენტს, სალომე ზურაბიშვილსა და საქართველოს მოქალაქეებს ულოცავს დამოუკიდებლობის დღეს.
"აზერბაიჯანისა და საქართველოს ურთიერთობები, ჩვენი ხალხის ნებიდან გამომდინარეობს, რომლებიც ისტორიულად მეგობრულ და კეთილმეზობლურ პირობებში ცხოვრობდნენ. კმაყოფილების მიზეზია მაღალი დონის სახელმწიფოთაშორისი ურთიერთობები, რომელიც ასეთ მტკიცე ნიადაგს ეფუძნება. მჯერა, ჩვენი თანამშრომლობა როგორც ორმხრივი, ისე მრავალმხრივი, სტრატეგიული პარტნიორობა, რომელიც ნდობასა და მხარდაჭერას ეფუძნება, მომავალშიც განაგრძობს განვითარებასა და გაფართოებას, ჩვენი ხალხების სასარგებლოდ. ამ შესანიშნავ დღეს გისურვებთ ჯანმრთელობას, წარმატებას საქმეში, ხოლო მეგობარ ქართველ ხალხს – კეთიდლღეობასა და აყვავებას ვუსურვებ“, – წერს აზერბაიჯანის პრეზიდენტი.