გერმანიაში უკრაინის ელჩი: რუსეთს „ჰამბურგის სანქციები“ მოელის
გერმანიაში უკრაინის ელჩის, ანდრეი მელნიკის გნცხადებით, რუსეთს მოელის „ჰამბურგის სანქციები“, თუ უარს იტყვის საზღვაო სამართლის საერთაშორისო ტრიბუნალის გადაწყვეტილების შესრულებაზე.
შაბათს ტრიბუნალმა, რომელიც ჰამბურგშია განთავსებული, რუსეთს დაავალა 2018 წლის ნოემბერში ყირიმთან დაკავებული უკრაინელი მეზღვაურების გათავისუფლება და უკრაინისათვის მისი სამხედრო ფლოტის სამი გემის დაბრუნება.
მელნიკის თქმით, მან უკვე მიმართა გერმანიის მთავრობასა და საგარეო საქმეთა სამინისტროს ხელმძღვანელს, ჰაიკო მასს მოწოდებით, გააძლიერონ რუსეთზე ზეწოლა და მოითხოვონ ტრიბუნალის ვერდიქტის დაუყოვნებლივ შესრულება.
სანქციებისათვის მიზეზი საჭირო არ არის, ისედაც ერთმანეთის მიყოლებით იღებენო, თქვა რუსეთის საგარეო საქმეთა სამინისტროს წარმომადგენელმა მარია ზახაროვამ.
ამავე სამინისტროში „გამორიცხული“ უწოდეს გაეროს 1982 წლის კონვენციის გამოყენებას ქერჩის სრუტეში მომხდარი ინციდენტის მოსაგვარებლად. მანამდე რუსეთმა უარი თქვა საერთაშორისო ტრიბუნალის სხდომებში მონაწილეობაზე.