მდინარე ნენსკრამ სოფელ ჭუბერის ნაწილი დატბორა
მესტიის საკრებულოში ჭუბერის დეპუტატმა ზაზა ვიბლიანმა რადიო თავისუფლებას განუცხადა, რომ ადიდებულმა მდინარე ნენსკრამ დატბორა სოფელ ჭუბერის ნაწილი. „წაღებულია ხიდები, რამდენიმე სახლი. დატბორილია ეზოები და სახნავ-სათესი მიწები. მოსახლეობა პანიკაშია. არაფერი ვიცით ჯერ არიან თუ არა დაშავებულები“ - განაცხადა ზაზა ვიბლიანმა. მესტიის მუნიციპალიტეტის სოფელ ჭუბერში მთის მასა მოწყდა და მდინარე ნენსკრაში ჩავარდა, რამაც მდინარის ადიდება გამოიწვია.