დეკანოზი ანდრია ჯაღმაიძე: პატრიარქის კორონავირუსის ტესტზე პასუხი უარყოფითია
საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის ინფორმაციით, სრულიად საქართველოს კათოლიკოს-პატრიარქს, ილია მეორეს კორონავირუსზე ტესტი ჩაუტარდა და პასუხი უარყოფითია. მისი ცნობით, საპატრიარქოდან ლუგარის ლაბორატორიაში გაგზავნეს სულ 55 ტესტი, მათ შორის პატრიარქისაც. ყველა ტესტზე პასუხი უარყოფითია. ამჟამად იზოლაციაში მხოლოდ პატრიარქის მდივან-რეფერენტი შორენა თეთრუაშვილი იმყოფება.