კელი დეგნანი მიესალმა ვახო სანაიას სამსახურში დაბრუნებას მასზე თავდასხმის შემდეგ
ტელეკომპანია „ფორმულას" ესტუმრა ამერიკის შეერთებული შტატების ელჩი საქართველოში კელი დეგნანი. ის მიესალმა ჟურნალისტ ვახო სანაიას სამსახურში დაბრუნებას მასზე თავდასხმის შემდეგ. „ვფიქრობ, რომ დღეს, სწორედ ახლა, ვხედავთ, თუ რამხელა გამბედაობაა საჭირო იმისთვის, რომ იყო ჟურნალისტი მსოფლიოს ნებისმიერ ადგილზე, მათ შორის აქაც. ვახო და სხვები, ვისაც თავს დაესხნენ ან დაემუქრნენ - ასეთი რამ უბრალოდ დაუშვებელი და სახიფათოა. ამერიკის შეერთებული შტატები გააგრძელებს მედიათავისუფლების ძალიან მტკიცე მხარდაჭერას", - განაცხადა კელი დეგნანმა. Читать дальше...