კანცელარიასთან აქციაზე დააკავეს პირი, რომელიც „ლიბერალის“ ჟურნალისტს ემუქრებოდა
კანცელარიასთან, სადაც „თბილისი პრაიდის“ ორგანიზატორთა და მათი მოწინააღმდეგეების აქცია იმართება, პოლიციამ დააკავა პირი, რომელიც მედიასაშუალება „ლიბერალის“ ჟურნალისტებს ემუქრებოდა. დაკავებას, ადგილზე დაპირისპირება და არეულობა მოჰყვა.
კონტრაქციის მონაწილეები „ლიბერალის“ ჟურნალისტებს ტელეფონის დამტვრევით დაემუქრნენ და მოითხოვნდნენ განმარტებას თუ რატომ იყვნენ ისინი კანცელარიასთან.
როგორც „ლიბერალის“ რედაქტორმა ლიკა ზაკაშვილმა უთხრა რადიო თავისუფლებას კანცელარიასთან მისული კონტრაქციის წარმომადგენლები ინტერესდებოდნენ მათი ვინაობით. განარტების შემდეგ, რომ ისინი ჟურნალისტები იყვნენ, მათგან მუქარის სიტყვები მოისმინეს.
„მიზანმიმართულად ცდილობდნენ გაეგოთ, რომელი გამოცემის ჟურნალისტები ვიყავით, გაეგოთ სახელები და გვარები, რაზეც ვუპასუხეთ, რომ არ გვინდა და არ გეტყვით, ეს არის საჯარო სივრცე სადაც ვასრულებთ ჩვენს პროფესიულ მოვალეობას. მათგან წამოვიდა აგრესია, გვითხრეს, რომ დაგვილეწავდნენ ტელეფონს, ერთ-ერთმა მათგანმა გამოიწია ჩვენსკენ. ამ აგრესიაზე, პოლიციელებს მივმართე, რომ ეს ორი ადამიანი გაეყვანათ. ჩემმა ამ მოწოდებამ სხვა ადამინებშიც გამოიწვია აგრესია და მეძახდნენ პროვოკატორს“, - უთხრა ლიკა ზაკაშვილმა რადიო თავისუფლებას.
კანცელარიასთან ამ წუთებში ორი აქცია მიმდინარეობს „თბილისი პრაიდის“ ორგანიზატორთა და მათი მოწინააღმდეგე ნაციონალისტური ჯგუფების მიერ ორგანიზებული. ადგილზე ვითარებას რამდენიმე ასული პოლიციელი აკონტროლებს. და დაპირისპირებულ ჯგუფებს შორის კორდონი აქვს აღმართული.