ოფიციალური სტატისტიკით წლის პირველ კვარტალში საშუალო ხელფასმა 1092 ლარს მიაღწია
2019 წლის პირველ კვარტალში საქართველოში ყოველთვიური საშუალო, ნომინალური ხელფასი წინა წლის შესაბამის პერიოდთან შედარებით 33.5 ლარით გაიზარდა და 1092.7 ლარი შეადგინა - ასეთია საქართველოს სტატისტიკის ეროვნული სამსახურის მიერ დღეს, 17 ივნისს გამოქვეყნებული მონაცემები.
„საქსტატის“ ინფორმაციით, 2019 წლის პირველ კვარტალში, გასული წლის შესაბამის პერიოდთან შედარებით ხელფასის ზრდა შეინიშნებოდა თითქმის ყველა სექტორში.
შედარებით მაღალი ხელფასი დაფიქსირდა შემდეგ დარგებში:
საფინანსო და სადაზღვევო საქმიანობა - 1894.3 ლარი (წლიური ზრდა 17.8 პროცენტი);
პროფესიული, სამეცნიერო და ტექნიკური საქმიანობები - 1799 ლარი (წლიური ზრდა 3.2 პროცენტი);
ინფორმაცია და კომუნიკაცია - 1751.8 ლარი (წლიური ზრდა 3.9 პროცენტი);
ოფიციალური სტატისტიკით, 2019 წლის პირველ კვარტალში ქალების საშუალო ხელფასი 876.1 ლარით, ხოლო მამაკაცების 1294.1 ლარით განისაზღვრა.
საქმიანობის სახეების მიხედვით კაცების ხელფასი თითქმის ყველა სექტორში აღემატებოდა ქალების ხელფასს.