მერკელმა ზელენსკის დაუდასტურა, რომ მხარს უჭერს რუსეთისთვის სანქციების გაგრძელებას
გერმანიის კანცლერმა ანგელა მერკელმა ბერლინში უკრაინის პრეზიდენტ ვოლოდიმირ ზელენსკისთან შეხვედრისას განაცხადა, რომ მისი ქვეყანა მხარს უჭერს რუსეთის მიმართ სანქციების გაგრძელებას.
18 ივნისის ერთობლივ პრესკონფერენციაზე გამოსვლისას, მერკელმა აღნიშნა, რომ სანქციები, რომლებიც რუსეთს დაუწესეს ყირიმის ანექსიისა და აღმოსავლეთ უკრაინაში სეპარატისტი მებრძოლების მხარდაჭერის გამო, ძალაში უნდა დარჩეს კიევის სუვერენიტეტის აღდგენამდე.
რუსეთმა 2014 წლის მარტში მოახდინა უკრაინის კუთვნილი ყირიმის ანექსია და იმავე წლის აპრილში შეუდგა სეპარატისტების ბრძოლის მხარდაჭერას დონეცკისა და ლუგანსკის ოლქებში.
2014 წლის აპრილის შემდეგ კონფლიქტმა შეიწირა 13 ათასამდე ადამიანი.