ნათია თურნავა „როსპოტრებნადზორის“ განცხადებას აფასებს და ამბობს, რომ აჩქარება არ ღირს
ეკონომიკისა და მდგრადი განვითარების მინისტრი ნათია თურნავა ეხმაურება „როსპოტრებნადზორის“ განცხადებას, რომლის მიხედვითაც მკაცრდება კონტროლი საქართველოდან რუსეთის ტერიტორიაზე იმპორტირებულ ალკოჰოლურ სასმელზე.
„რა თქმა უნდა, ეს არის გამოწვევა, მათ შორის ბიზნესისთვისაც. რუსეთი კვლავაც არის მოცულობითი ბაზარი, მაგრამ მე არ მინდა ვიჩქარო არ მიმართულებით“, - ნათია თურნავა.
მინისტრის თქმით, ამ საკითხზე შეფასებებმა შესაძლოა, ქართული ბიზნესის ინტერესები დააზიანოს, ამიტომ არ იჩქარებს".
"როსპოტრებნადზორი“ ქართულ ღვინოზე კონტროლს ამკაცრებს. როგორც უწყებაში აცხადებენ, ბოლო ხუთი წლის განმავლობაში სტანდარტებთან შეუსაბამო ალკოჰოლური პროდუქციის იმპორტის მოცულობა საქართველოდან სამჯერ გაიზარდა.
განცხადებაში ჩამოთვლილია ის კომპანიები, რომლებიც „როსპოტრებნადზორის“ ინფორმაციით, ვერ აკმაყოფილებენ შესაბამის სტანდარტებს. ესენია: „ბაგრატიონი 1882; „ბოლერო ენდ კომპანი“, „კახეთის ტრადიციული მეღვინეობა“, „ბადაგონი“, „ქართული ღვინის სახლი“, კორპორაცია ქართული ღვინო“, „ქართული ღვინისა და ალკოჰოლური სასმელების კომპანია“, „ბატონო“.