პარლამენტის თავმჯდომარე პრეზიდენტთან ყვითელი ვარდებით მივიდა
4 ივლისს საქართველოს პრეზიდენტმა ახლად არჩეულ პარლამენტის თავმჯდომარეს ათონელის ქუჩაზე მდებარე სასახლეში უმასპინძლა. არჩილ თალაკვაძემ სალომე ზურაბიშვილს ყვითელი ვარდები გადასცა.
„საქართველოს პრეზიდენტმა სალომე ზურაბიშვილმა და პარლამენტის თავმჯდომარემ არჩილ თალაკვაძემ პირველი სამუშაო შეხვედრა გამართეს, შეხვედრაზე საქართველოს პარლამენტსა და პრეზიდენტის ადმინისტრაციას შორის თანამშრომლობის საკითხებზე ისაუბრეს და კოორდინაციის მნიშვნელობას გაუსვეს ხაზი“, - ინფორმაციას პარლამენტის პრესსამსახური ავრცელებს.