"ეს არის ფესტივალის იდეაც, რომ ჩვენ რაღაც სამშვიდობო ლოზუნგები კი არ ვავრცელოთ სცენიდან, არამედ ეს მოხდეს უმტკივნეულოდ, თავისთავად"
22-25 აგვისტოს მარნეულის მუნიციპალიტეტის სოფელი წერაქვი უმასპინძლებს ფესტივალს One Caucasus („ერთიანი კავკასია“). უშუალოდ საფესტივალო დღეებს რამდენიმე კვირით წინ უსწრებს საგანმანათლებლო და გასართობი ღონისძიებების წყება, რომლებიც მუნიციპალიტეტის სხვადასხვა დასახლებას მოიცავს.