პაკისტანში ბიჭის სიკვდილით განრისხებულმა ხალხმა პოლიციის განყოფილებას ცეცხლი წაუკიდა
18 აგვისტოს პაკისტანის ლაკი მარვატის ოლქში 4 წლის ბიჭის, ოვასის სიკვდილით განრისხებულმა თანასოფლელებმა ცეცხლი წაუკიდეს ადგილობრივ პოლიციის განყოფილებას. მათი აზრით, პოლიცია ვერ იცავს მოსახლეობას და ვერ იძიებს დანაშაულს. არეულობა დაიწყო მას შემდეგ, რაც აღმოაჩინეს ერთი თვის წინ გაუჩინარებული ბავშვის გვამი. როგორც ვარაუდობენ, ბავშვი გაიტაცეს, როცა ის საკუთარი სახლის წინ თამაშობდა. როგორც რადიო თავისუფლებას უთხრა ბავშვის დამ, ბიჭის გვამი კვირას დილით იპოვეს ყანაში. ოლქის პოლიციის უფროსმა, ყასიმ ალი ხანმა სოფლის მოსახელობას სიმშვიდისკენ მოუწოდა და უკუაგდო პოლიციის არაკომპეტენტურობის ბრალდებები.