20 წლის ახალგაზრდა დააკავეს არასრულწლოვანთან გარყვნილი ქმედების ბრალდებით
შსს-ს გორის სამმართველოს თანამშრომლებმა გორში მცხოვრები 20 წლის ახალგაზრდა დააკავეს არასრულწლოვანთან გარყვნილი ქმედების ბრალდებით.
როგორც შსს იტყობინება, გამოძიებით დადგინდა, რომ ბრალდებული ქალაქ გორში, ერთ-ერთი საცხოვრებელი კორპუსის სადარბაზოში არასრულწლოვან გოგოს შეჰყვა და მის მიმართ სექსუალური ხასიათის ქმედება განახორციელა, რა დროსაც მოზარდმა მას წინააღმდეგობა გაუწია. ამის შემდეგ მამაკაცი შემთხვევის ადგილიდან
მიიმალა.
გამოძიება არასრულწლოვნის მიმართ განხორციელებულ სექსუალური ხასიათის სხვაგვარი ქმედების ფაქტზე, საქართველოს სსკ-ის 138-ე მუხლის მე-2 ნაწილის „დ“ ქვეპუნქტით მიმდინარეობს, რაც ისჯება თავისუფლების აღკვეთით ვადით ექვსიდან ცხრა წლამდე.