პუტინი აპირებს ომის დროს მშვიდობიანი მოქალაქეების დაცვის შესახებ "ჟენევის პროტოკოლიდან" გასვლას
პრეზიდენტმა ვლადიმირ პუტინმა სახელმწიფო დუმაში წარადგინა კანონპროექტი, ჯერ კიდევ საბჭოთა კავშირის მიერ ხელმოწერილი, იმ საერთაშორისო შეთანხმებიდან გასვლის შესახებ, რომელიც აღიარებს გაეროს კომისიის კომპეტენციას შეიარაღებული კონფლიქტების დროს ადამიანთა უფლებების დარღვევის გამოძიებაზე.
კანონპროექტის განმარტებით ბარათში წერია, რომ შეთანხმებიდან გასვლა გამოწვეულია „საერთაშორისო ვითარების მზარდი რისკებით“, ასევე "არაკეთილსინდისიერი სახელმწიფოების მიერ კომისიის უფლებამოსილების ბოროტად გამოყენების რისკებით“.
განმარტებით ბარათში ცალკე მითითებულია, რომ კომისიაში არ იყო შეყვანილი რუსეთის წარმომადგენელი, რომელიც მაშინ მის ბიუჯეტში საწევროს იხდიდა.
საერთაშორისო შეთანხმებას, რომელიც აღიარებს გაეროს კომისიის უფლებას შეიარაღებული კონფლიქტის დროს ჰუმანიტარული სამართლის დარღვევების გამოძიებაზე, საბჭოთა კავშირმა რატიფიცირება მოახდინა 1977 წელს. თავად კომისია შეიქმნა 1949 წელს, ჟენევის მეოთხე კონვენციის ფარგლებში, მშვიდობიან პერიოდში სამოქალაქო პირების დაცვის შესახებ.
1993 წელს გაეროს უშიშროების საბჭოს მიერ მიღებული გადაწყვეტილებით, ჟენევის მეოთხე კონვენცია საერთაშორისო სამართლის ნორმად იქცა, რომლის შესრულებაც სავალდებულო გახდა ყველა ქვეყნისთვის.
კონვენციის მთავარი მუხლი კონფლიქტის მონაწილე მხარეებს ავალდებულებს მშვიდობიანი მოსახლეობისა და უშუალოდ ომში მონაწილეთა ერთმანეთისგან გარჩევას.